¿Quéi semos?

Agora que s´alderica na prensa sobru la conveniencia ou non de sere "nacionalista llïonés" vou facere un esfoutu de reconocencia.

Anque cimeiru habría que dicire que l´alderique nun yía talu, purquei nun s´espresa la disyuntiva de sere ou nun sere, de querere ou nun querere, de camentare ou negare. Non, lu que se diz nos midios escritos yía un cartelu espublicitariu: el sentimientu nacionalista yía malu en sí mesmu, yía malu pur natura, y pur tantu los mozos llïoneses afincaos nesos síntomas tan malades, y lu pïor yía que nun tienen cura (párrocu sí).

Yía ciertu que nun esiste alderique cuandu nun s´entruga a la xente (mueitu menos a la mocedá que vien darréu) sobru la identidá de sóu; nin tampoucu se desemeyan las basas afitadas a esas posibilidaes. Trátase tan sólu de criticare un posicionamientu cul que nun tan d´alcuerdu ni´l colunista nin l´editor.

A vegadas atalantu na mía mente purquéi nun supi hasta van poucos años la situación rïal de la llingua llïonesa (naide díxume que dalgunos vecinos falasen mal purque fueran poucu llistos), y xamás pescanciéi quéi pueblu del solar hispanu yera más difrenciáu cumu talu que´l pueblu llïonés; másimu cuandu esti asomaba d´antañu valores sociu-culturales que facían-ye tomare soluciones propias pa los desendolques que chegaban cul pasu los años. Ñiciativas únicas y desemeyadas en tolas las tareyas d´una coleutividá, la llïonesa, que nun se cunocen nos colexos, pesia que n´outras comunidaes puedense tratare temas tan simples cumu la Hestoria de... (Comunidá Autónoma).

De siempres creyí qu´antias las comunidaes de presonas cun rasgos, llinguas, istituciones, vezos, asentamientos y -sobrutou- soluciones llindantes y semeyantes pa cunos avances del progresu yeran pueblos ou nacionalidaes peculiares; y los sous miembros nacionales d´esi conxuntu más ou menos uniforme, que non iguador.

Las críticas escontra tales basas, ensin distingire los conceutos nin dare dreichu al retruque, pueden dirigise tamién escontra cualesquier outra cultura que cumu "nacional" tenga na sua mente´l mesmu colunista.

L´élite

Dende cuantayá tolas sociedaes tuvun un garrapiellu ou conxuntu de presonas que rempuenden al sinificáu de la pallabra élite: miembros destacaos d´una agrupación de homes (ou muyeres), en función de las suas meyores cualidaes al respeutive´l sou grupu.

Asina fou nas sociedaes clásicas griegas ou romanas: cimeiru nel mundiu militar formónunse los hoplitas ya espartanos, cumu soldaos d´élite pulas carauterísticas de preparación y formación pa las gerras.
Del citáu campu xurdienun pa las ágoras griegas los sabios y filósofos conocíos pur tol universu. Yera una élite del pensamientu.
Mas acá, nel senáu román tenemos a los "senatores" de la república, ou más bien de "la cousa de toos"; y éstos destacaban na vida política sobru n´outras cuestiones, que tamién (casu de las cospiraciones).

Fuimos caminandu pula hestoria y tuvimos élites relixosas, qu´entá perduran, élites del saber empíricu y outras sociu-culturales.

Hasta que van poucos años diónunse las élites feixistas, cuya másima a consigire yera la desapaición de la "clases inferiores"¡ Cumu nun son a chegar a una élite!

Peru guei caltenemos outru conceutu elitista: los apoltronaos; que provienen d´una mestura d´élites, purquei tien daqué de todas eillas. Son políticos de profesión, cuyu meyor logru yía caltenere l´escañil consigíu nunas eleiciones, anque pierdan tolas que son a presentase; esa práutica tiénenla cumu un dogma relixosu, y escontra de las suas tïorías pueden declarare las gerras que quisieran, atalandu cualesquier tiorema filosóficu cuandu nun quieren deixar de garrare ya esprimire "la cousa pública".

De bombas, voladores y fuegos d´artificiu

Nun falamos d´esas bombas que se ponen pa matar a las presonas, sinon d´esos cuetes que van pulos cielos ou las nueites escuras, faciendu temblare las ñubes ou allumandu las estrellas.

Nestas cabeiras folixas de la ciudá de Llión, nuna d´esas nueites parámosnos la mía familia y ún mesmu pa contemplare l´espeutáculu, xustu nos bancos ubicaos alrodiu´l MUSAC.

Tabamos cun preste sentaos, gueyandu palas alturas, oservandu las esplosiones de colorines y los "erutos" de soníu qu´atoraban los nuesos oyíos. Yera una sensación placenteira asgaya, que nun sabía si podía superase.

Atalantandu n´esi gozu recostéime nel bancu p´atrás, cunos gueyos pechaos.

Cuandu fou abri-yes cuntempléi outra mirada, si cabe, más enriquecedora: detrás de nosoutros, los fuegos d´artificiu reflexaban nos cuadros cristalinos del edificiu, y la sua visión -tumbáu cumu you n´aquel bancu y cuna mirada hacia trás- suponía una imaxen abondu difrente del xeitu pa gueyare los fuegos.

Los reflexos de la lluz duplicaban los fuegos sigún los cuadros refleutantes, al empar qu´en mueitos d´éillos la imaxen taba distorsionada, paecían pantamas xixilantes de la escuridá.

Fízume, y entá faime, gracia albidrare qu´a vegadas la obras modernistas nun s´alcuentran dientru de los museyos nin de las casas de bloque ou lladriellu, onde deillos autores quieren arrequeixar la cultura.