Dubardín el Pensativu.



Pula vaguada diba Dubardín, camentandu: Yá sólu réstame una hora pa chegar al pueblu.- Peru, anuechecía rápidamente y las lluces del atapecere s´afogaban cun ca ún de los sous pasos.

Ensin querere, emprincipióu rumiar aqueillas vieyas hestorias que-ye contóu´l sou guelu van años, n´aqueillos filandones d´hibiernos xélidos. Entá la sua mente yá nun paróu de dai vueltas en tola tarde.

De prontu, allá lluenxe paez movese daqué, sinuosamente, cumu si tuviera preparáu pal quite. A Dubardín nun-ye quedaba outra cousa que pasare xuntu´l sou lláu, asina que nun lu pensóu duas vueltas, aceleróu´l pasu enforma y, cuandu tuvu a la sua altura, la evidencia fou inequívoca, la siñal recoyóuse pur completu y desapaecéu, peru más alantre pudu comprobare cumu outru yá ocupaba´l sou llugar: yera la solombra del sigiente pindiu qu´arrodiaba más allá´l camín….